Latest Namibia Breaking News Today

Aakeeleli yomaliko ya yugwa N$147 500 moSwakop

[ad_1]

OONDJEMBO odhu umbwa mEtine lya zi ko ethimbo lyongula pethimbo aakeeleli yomaliko ya yugwa ooN$147 500, notaku hokololwa mwe ehamekelwa omukeeleli gumwe gomaliko osho wo omufekelwa.

Omupopiliko gwopolisi yoshitopolwa shErongo, inspekta Ileni Shapumba okwa popi kutya aakeeleli yomaliko yehangano lyedhina Southern Cross Security okwa li yi ila ko oshimaliwa shoka tashi ka mbaangwa, sho ya adhikilila kookalyamupombo yane. Omufekelwa gumwe okwa yugu ko ondjembo yaakeeleli yomaliko noku yi yahitha omukeeleli gumwe mepunda.

Okuza mpoka oya kutha ko oshimaliwa nokunukila moshihauto shawo nokufadhuka po yu uka ombululu ya Arandis.

Omanga taya fadhuka po, omukeeleli gumwe gomaliko okwa li naye etha mo monkandja nokuyaha omufekelwa gumwe.

Shapumba okwa popi kutya lwanima esiku ndyoka, yaali yomaafekelwa mboka, oya tulwa miipandeko mOmbaye, noshimaliwa shooN$37 300 osha monika. Oshihauto shoka ya li ya longitha moshimbuluma shoka osha adhika sha thigwa moSwakop.

Omufekelwa omutitatu ngoka natango ta kongwa, okwa hololwa kutya omupopi gwelaka lyOshiwambo Malakia Shikongo Naobeb, ngoka a li ta hingi otuukala yo-Toyota Corolla (yonomola N20615S).

Otaku fekelwa kutya okwa fadhukile konooli yoshilongo nenge komudhingoloko gwoshitopolwa shaKhomas.

“Omufekelwa omutine ngoka e ehamekwa ina hololwa natango. Nokwa kanitha ombinzi noonkondo, ndjoka ya adhika moshihauto shoka ya li ya longitha oshikoya. Naye ota kongwa kopolisi.”

Shapumba okwi indile oshigwana shoka shi na uuyelele tawu vulu okukwatitha po aafekelewa mboka ya dhengele omupevikomufala Erastus Iikuyu konomola yongodhi 081 246 4757 nenge ya dhengele Johannes Mwatongwe konomola yongodhi 081 246 1121 nenge ya tseyithile osasiona yopolisi kehe yi li popepi.

“Otatu indile oshigwana kaashi ya gume molwashoka otashi vulika ya kale ya homata [oondjembo],” osho Shapumba a londodha ngaaka.

[ad_2]
Source link

Related Articles

Leave a Reply

Your email address will not be published. Required fields are marked *

Back to top button

Adblock Detected

Please consider supporting us by disabling your ad blocker